فوائد و اضرار زيت الزيتون | هنا دليلك لصحة افضل

الملخص :

• فوائد و اضرار زيت الزيتون بوجه عام
• فوائد زيت الزيتون المختلفة  ( فوائد زيت الزيتون للمعده والجسم – فوائد زيت الزيتون علي الريق … وغيرها)
• ماهو زيت الزيتون النقي او البكر ؟
• اضرار شرب زيت  الزيتون

دلوقتي نقدر نعتبر ان زيت الزيتون من العناصر الغذائية المهمه في بلاد وثقافات كتيره و اللي بيتم تصنيعه بعد حصاد حبات الزيتون وطحنها لحد متبقي عجين وبعدها بيتم فصل الزيت عن عجينة الزيتون  وفي الاخر بيخزنوا الزيت في خزانات من المعدن المقاوم للصدأ و بشرط عزله عن الاكسجين وعشان يتحافظ عليه طازة بيتنقل لعلب زجاج و يحبذ تكون داكنة اللون .

فوائد زيت الزيتون للمعده والجسم :

اثبتت دراسات علمية كثيره ان المركبات الفينولات الداخله في تركيب زيت الزيتون تعمل كمضاد لسلاسات كثيره من البكتيريا  وطبعا زيت الزيتون البكر يقي من التعرض لخطر قرحة المعدة والالتهاب المعوي وكمان بيحمي من سرطان المعدة ده غير فايدته في تحسين صحة الجهاز الهضمي  فهو بيحفز الجسم علي انتاج انزيمات الليباز البنكرياسية وهي المسئولة في تحسين صحة الجهاز الهضمي و كمان وكنتيجه طبيعية لكل اللي فات فهو بيكون جزء من حل مشكلة الانتفاخ و التشنجات بالمعدة و الغازات وحرقة المعدة و فوائد زيت الزيتون للمعده والجسم تقدر تحس بيها بعد استخدامك لزيت اصيل او ممتاز زي زيت الزيتون البكر يوميا، معلقه صغيره قبل الـ 3 وجبات يوميا .

فوائد زيت الزيتون علي الريق :

لو كنت بتعاني من امساك فالحل الافضل انك تشرب معلقه كبيره من زيت الزيتون وده هيساعدك في تليين المعده و بيسرع من عملية الهضم كمان زي مقولنا قبل كده .

حماية كبييييرة جدا للكبد وخصوصا الناس المصابه بفايروس C وده عن طريق استخدام معلقه منه مع كوباية عصير الجريت فروت و تشربه الصبح علي الريق وده بيقلل قدرة انتقال الفروس للانتقال علي الخلايا السليمة وتخريبها .

بشكل عام بيحسن من صحة الانسان لانه بيحتوي علي مضادات الاكسدة مثل الاحماض الامينية الغير مشبعة .

بيقلل الشهيه ودي حاجه ممتازة للناس اللي بتعاني من الرغبه الشديدة المستمره في تناول الطعام .

بيقلل الكولسترول الضار في الدم والدهون الثلاثيه و ده لما بتشرب منه يوميا معلقه صغيره

اجمالاً نقدر نقول ان زيت الزيتون سواء كان علي الريق او استخدامه في نظامك الغذائي ليه فوايد كتيره زي مثلا :

مفيد جدا لعضلة قلبك وده لانه بيساعد في تقليل تصلب الشرايين .

لو بتعيط من الآام الاسناااان فهو مممتاااااااز كمسكن للالام دي وده عن طريق انك تحط قطنه مغموسه بزيت الزيتون علي الضرس او الجزء المؤلم في بقك

حلو جدا مع مرضي السكر و بيقلل من اضرار مرض السكر

بيحمي الكبد زي مقولنا فوق

ومن اهم فوايده انه بيكافح السرطاانات باشكالها المختلفه وده لو استمريت بشرب معلقتين يوميا من زيت الزيتون

بيسد الشهيه ودي حاجه ناس كتيره محتاجاها .

طيب للي ميعرفش ففي نوعين من زيت الزيتون

في زيت زيتون عادي و فيه زيت الزيتون البكر هقولك باختصار الفرق مابين زيت الزيتون البكر وزيت الزيتون العادي .

مبدئيا الغالي تمنه فيه … هنا زيت الزيتون البكر بيكون اغلي وده لان مراحل تصنيعه اصعب و بيتصنع بطريقة اسمها طريقة الكبس البارد فمن غير منخش في تفاصيل كتيره هو بس اهم حاجه فيه انه بيكون بدون مواد كيميائية و ده بيخلي الزيت اللي خارج من عملية التصنيع اققل فبالتالي سعره اغلي .

لكن زيت الزيتون العادي بيستخرج بطريقة الكبس الساخن وده بياثر علي طعم وجودة الزيت كمان يعتبر زيت الزيتون البكر هو العصره الاولي لحبات الزيتون اما زيت الزيتون العادي فهو العصره التانية حاجه كده زي فرز اول وفرز تاني .

تميز بينهم ازاي ؟!!! 

زيت الزيتون البكر : تقدر تشم ريحة الزتون بشكل قوي ومميز ولونه اغمق طبعا

زيت الزيتون العادي: لونه بيكون فاتح و ريحتة الزتون اققل بكتير .

في انواع تفصيله عن زيت الزيتون بس ده اللي محتاج تعرفه عشان تشتري المنتج الامثل ليك

حبينا زيت الزيتون خلاص … كلنا هنروح نشتريه ؟! حلو جدا طيب ممكن اققولكم ان كل حاجه زي مليها فوائدها فممكن يكون ليها اضرار ؟؟!!

اضرار زيت الزيتون

كل حاجه لما بتزيد عن حدها الطبيعي او المسموح بيه بتكون مضره و للاسف في ناس بتشرب زيت الزيتون وبتحب طعمه فبتشربه بغزارة او بيستخدموه كاداه او وسيلة اساسية لشد الشهيه بس ده طبعا بيعمل مشكله .

من اضرار زيت الزيتون في شربه بشكل مفرط ، هو احتوائه علي فيتامين E  و الشرب لكميات كبيره هيتسبب فيتماين E كتير وكل معلقه فيها 120 سعر حراري فبدل مانت بتشربه عشان يسد شهيتك وتخس فهو ممكن يكون السبب في زياده وزنك …

وكمان باختلاف الاجسام فممكن الافراط منه بسبب الاسهال … طبعا احنا قولنا انه علاج للامساك بس حددنا الكميه ولو افرطت فيه فطبيعي يبقي مسبب للاسهال  وقولنا انه كويس لمرضي السكر لكن لو زوده منه هتبقي ازمة لانه اصلا بيعمل علي تقليل نسبة السكر في الدم … دايما الزيادة من اي شيء بتكون سبب في مشكله عشان كده مينفعش نقول اضرار زيت الزيتون زي ملازم نقولها كده

اضرار استخدامنا الخاطيء لزيت الزيتون زي الافراط  في شربه..

دمتم سالمين