فوائد المشي

فوائد المشي يومياً هتحس بيها لما تبدأ تنتظم فيه ولو لمدة اسبوع؛ ده لان المشي يعتبر رياضة مهمة جداً لازم تمارسها بشكل يومي يعني لو مكنتش بتمارس رياضة بشكل اساسي في حياتك فممكن تستخدم رياضة المشي كرياضة اساسية ليك وهشجعك اكتر واحكيلك تفصيلاً عن فوائد المشي يومياً.

  • اول حاجة بيستفيد منها جسمك: القلب والرئتين؛ لان المشي بيساعد علي زيادة نشاط الدورة الدموية و بيزود الحرق الناتج عن الاكسجين في الجسم و ده بيساعد علي تقوية عضلات القلب و الجسم بشكل عام .
  • من فوائد المشي اللي مش باينة لناس كتير انها بتزود قدرة العين وبتحسن الرؤية لان عند التحرك بشكل مستمر ده بيساعد علي نشاط العين وزيادة الدورة الدموية فيها لان قلة الحركة بتسبب تصلب الدم وتراكمها في الشرايين في العين .
  • المشي بيساعد علي تقليل التوتر والضغط اللي ممكن يكونوا موجودين في حياتك و ده بيكون سبب اقوي لتقليل احتمالية الاصابة بمرض الـزهايمر .
  • لو بتمشي في الشمس يبقي ضمنت دخول فيتامين د في جسمك.
  • اجمل وابسط رياضه ممكن تمارسها سواء حددت معاد يومياً قبل او بعد شغلك او لو كنتي ست بيت و الوقت اللي بتخصصيه للرياضة قليل او لو كان شخص كبير في السن وطالع علي المعاش فرياضة المشي بتساعدك جداً انك تجدد طاقتك ونشاطك و تطرد اي اكتئاب و سلبية .
  • طب رياضة المشي بتلعب علي عضلات ايه ؟!! من فوائد رياضة المشي يوميا انها بتقوي عضلات البطن والرجلين والحوض وطبعا بتساعدك تظبط جسمك اكتر ويكون متناسق اكتر .
  • رياضة المشي بتسبب حرق السكريات اللي في الجسم واللي بيتسبب في ان البنكرياس يفرز كميات اقل من الانسولين .
  • لو بادئ رياضة المشي من زمان يبقى اعرف انك هتهرب من الوحش القاتل اللي اسمه ” الكرش” وده لان الرياضة دي بتساعد في فقدان الجسم للسعرات الحرارية الزايدة وبيبدأ يستهلك من الدهون الزايدة في الجسم.

رياضة المشي كلنا نقدر نمارسها في حياتنا اليومية وعشان كده لو بتحاول تحافظ علي صحتك و تحافظ علي قوام مناسب و معندكش وقت حاول تواظب علي رياضة المشي يومياً.