فوائد التفاح

فوائد التفاح كثيرة سواء كنت بتتبع نظام غذائي معين لانقاص الوزن او كنت بتعاني من نقص الحديد او اياً كان سببك في البحث عن فوائد التفاح لازم تتعرف علي مكونات التفاح في الاساس .. كل 100 غرام من التفاح موجود فيه:

  • 52 سعرات حرارية
  • 13.8 جرام الكربوهيدرات
  • 0.26 ميكروجرام البروتين
  • 27 ملجرام بيتا كاروتين
  • 4.6 جرام فيتامين سي
  • 6 ملجرام كالسيوم
  • 5 ملجرام مغنسيوم
  • 11 ملجرام فسفور
  • 107 ملجرام بوتاسيوم
  • وطبعا لو قشرت التفاح فانت خسرت القشرة المحتوية علي مضادات الاكسدة والياف غذائية مهمة للجسم .

فوائد التفاح :

  1. بتقوي العظام: المركبات المضادة للأكسدة والمضادة للالتهابات الموجودة بالتفاح بتزود كثافة العظام سواء كان عصير او التفاح نفسه .
  2. بيحمي من سرطان الثدي  ده لانه بيحتوي علي فينولات بتقي من سرطان الثدي.
  3. بيقلل من مستوي الكوليسترول الضار: بيقوم بتقليلها بنسبة 23 % وكمان بيزيد من مستوي الكولسترول الجيد بنسبة 4% .
  4. يعزز نمو البكتيريا النافعة .
  5. بيقلل خطر الاصابة بأمراض القلب.
  6. بيساعد في فقدان الوزن: فوائد التفاح في الرجيم , كتير مننا بيربط مابين الرجيم او مابين اتباع نظام غذائي معين ومابين التفاح كعنصر اساسي في الرجيم وعشان كده هنتكلم عن فوائد التفاح في الرجيم.

فوائد التفاح في الرجيم:

  1. التفاح من الفاكهة اللي سعراتها الحرارية قليلة فثمرة واحدة متوسطة الحجم ممكن تكون 95 سعراً حرارياً.
  2. التفاح مليان مياه وده بيساعد في زيادة حرق السعرات الحرارية حوالي 85% .
  3. الالياف موجودة بنسبة 4 جرام في التفاح والالياف بتساعد بدورها علي سهولة الهضم و الامتصاص ده غير ان التفاحه متوسطة الحجم بتكفي للشعور بالشبع لفترة طويلة.
  4. التفاح الاخضر بيحتوي علي نسبة اكبر من الالياف حيث يحتوي علي حوالي 5 جرام من الالياف.
  5. التفاح مليان فيتامينات ومعادن وده اللي بيخليه من الفاكهة سريعة المفعول في انقاص الوزن.

ومن كتر ارتباط التفاح بالرجيم فالبعض ابتكروا نظام رجيم اسمه رجيم التفاح ؟!!

وهو ان يعتمدوا علي التفاح كوجبة رئيسية واساسية والنظام ده بيكون خمس ايام فقط و اليوم الاول بيكون كله عبارة عن تفاح بس

بدون الدخول في تفاصيل رجيم التفاح فاحنا ممكن نذكر جزء من فوائد التفاح علي الريق.

فوئد التفاح علي الريق ملهاش علاقة اوي بالرجيم قد ماهي ليها علاقة بصحة الجسد بشكل عام فهي مثلا بتساعد علي علاج الهالات السودا اللي تحت العين وطبعا الالياف المتواجده فيه بتدي شعور بالامتلاء جيد لو محتاج تستخدم التفاح كفطار سريع قبل متنزل شغلك ولكن طبعا لازم يدخل جسمك جزء من الكربوهيدرات كافي لاستكمال يومك فزي ما كلنا عارفين وجبة الفطار مهمه جداً ولازم تكون من  اهم وجباتك طول اليوم واوفرهم بالعناصر الغذائية.